حماتى وسلفتى قصه واقعيه
= أنا كنت عايشة في بيت عيلة وسلفتي بتكرهني جداً وحماتي بتحب ابنها الكبير اللي هو جوز سلفتي دي أكتر حد، سلفتي دي عشان بتكـرهني حبت تشوه صورتي قدام البيت كله وقالت عليا أن أنا بكلم راجل جارنا وقالت لمراته بس مراته عشان عرفاني وعارفة اني متربية وعمري ما أعمل كده جت وقالتلي خلي بالك عشان فلانه دي بتكرهك وعايزه تخرجك من البيت بأي طريقة
ورحت نزلت وعملت معاهم مشكلة وقولت لحماتي وجوزي ووقفوا جنبي كلهم وروحنا عند الناس دي وعملنا قعدة والست جارتنا دي قالت إن سلفتي هي اللي كانت بتقول عليا الكلام ده وأنها مشفتش مني غير كل خير وانها مش مصدقة اني اعمل كده وحلفت علي المصحف إن سلفتي هي اللي كانت بتقولها الكلام ده
عشان ياخدوا موقف أو أي تصرف مفيش لأن حماتي بتحب أبنها الكبير ده أوي ومستحيل تتخانق مع مراته أو تقوله حاجة زي كده وضغطت علي جوزي عشان يسكت وسكت فعلاً
– يعني عشان بتحب ابنها عادي تسكت وتخوض في أعراض الناس؟
= اه وسكتوا وقالت لجوزي بس مدتيش الثقة لمراتك لأن مراتك فعلاً ممكن تكون بتعمل كده أنا طبعاً مكنتش أعرف انها قالت عليا الكلام ده وأنا وافقت إني أعدي الموضوع وسكت وعشت عشان خاطر ولادي ملهمش ذنب
– وجوزك فعلاً سكت ومعملش أي رد فعل؟
= سكت عشان أمه قالتله كده وكلام أمه على دماغه من فوق حتى لو هيجي عليا، لو أمه قالتله طلقني هيطلقني عشان أمه قالتله كده، عدينا الموضوع ده خلاص وفجأة فـ يوم لقيت جوزي داخل عليا كان راجع من الشغل الساعة 12 بليل، دخل الشقة ودخل الحمام وقعد شوية، فجأة فضل يقول مين اللي في الشقة، ده أنا أتفزعت من مكاني وقولتله مين اللي في الشقة أنا مش عارفة هو بيتكلم عن ايه!
فتح باب الشقة ونده أخوه ويقوله يا محمد يامحمد أنا نزلت أجري وراه بشعري وبالبيجامة زي ما أنا لأني أتفزعت مش فاهمة، هو شاف مين في الشقة أنا خوفت، اتفاجأت أن هو بيزق فيا علي السلم ويشتم فيا وبيقولي أن هو شاف واحد في الشقة، مسكت ايده وقولتله لا مينفعش تقول عليا كده والنبي مينفعش تقول عليا كده لو عايزني امشي أو أعمل اي حاجة بس متقولش عليا كده، زقني وضربني
مامته دي تبقى خالتي وكانت بايتة عند ماما ..
– مامته خالتك؟
= اه خالتي وكانت بايتة عند أمي، ابنها الكبير أتصل بيها وجابها لما أنا انهارت من العياط وفضلت أزعق
– طيب وهو لما نده أخوه وملقاش حد في الشقة، مقالهوش فين اللي بتقول عليه ده؟
= ملقاش حد ومقالش حاجة لأنها خطة هما عاملينها كلهم، عارفين أن مفيش حد، أمه جت بقولها شوفتي ياماما ابنك بيقول عليا ايه، انتي تصدقي عليا كده، اتفأجات أنها بتقولي اه اصدق عليكي كده ايوه اللي ابني قاله صح
= لاحول ولا قوة إلا بالله يعني ده مخطط أن هي تروح عند أمك تاكل عندكم عيش وملح ومخططة أنهم يتهموكي في شـرفك وأن فيه واحد معاكي في الشقة!
= بصتلها ومبقتش عارفة أقول ايه، فضلت أكـسر في الشقة وأكسر كل الدنيا وبشـ *ـتم فيها، أنا مش بقول إني مشتـ *ـمتهاش، لا أنا شتـ *ـمت فيها جامد لأن أنا منهارة ومستحملش حد يقول عني كده
أمي خدتني ومشيت أنا بقالي 7 شهور عند بيت أهلي
– والمخطط هدفه ايه، انك تطلعي متاخديش حق؟
= اه اني اطلع مخدش حقي أنا طبعاً رفعت قضـية واتحكملي في المحكمة أخد كل حاجة، بس حصلت مشكلة، هما أستفـزوا أهلي وأخويا بالكلام فحصل زي خـناقة فأنا برضو عايزة أخويا وخايفة عليه، فقولتلهم يا جماعة أنا ممكن أتنازل بس تقعدوا قعدة شرعية وتجبولي حقي، لما عملنا القعدة دي جوزي قال أن هو عايز يرجعني والناس اللي كانت قعدة قالت إن هو شتـ* ـم أمه وقالها منك لله أنتي السبب، أنتي اللي خربتي بيتي وأنا عايز مراتي وأنا عايز ولادي
– طب أسمعيني أوي أوي
أوعي ترجعي لناس زي دي أوعي، لو قال لأمه منك لله وحسبي الله ونعم الوكيل وكل الكلام ده برضو أوعي ده بني آدم قـ *ـذر ومنافق ومابيخفش ربنا وديـ *ـوث، اللي يقبل أنه يسمع أمه في باطل أو أي حد في الدنيا مينفعش، هو بيطاوع أمه في أنها بتتهـمك في شرفك عادي وجاي دلوقتي يقولك حسبي الله ونعم الوكيل في أمي وأنا عايز أرجعك
ياااااه علي الخـسة والنـدالة وقلة الدين، ده أنتي من لحـمهم ودmـهم هان عليهم عرqك وشـرفك، حتى لو كنتي غريبة هو قـ *ـذف المحـصنات بقى عادي كده عشان يطلع يقول شوفت واحد في شقتك وأتخيل في خيالي المريض ويبقوا متفقين مع بعض وأمه تروح تبات عند أمك اليوم ده عشان يعملولك كمين ويتهموكي في شرفك لا إله إلا أنت اني كنت من الظالمين لا وألف لا أوعي ترجعي ده انتي أكبر مكسب حصلك أنك طلعتي من عندهم أوعي تحت أي كلام وضغط أوعي ترجعي أوعي
